Vijesti

“Bondova djevojka” pobjedila COVID-19

Ukrajinska glumica i manekenka, jedna od “Bondovih djevojaka” Olga Kirilenko objavila je da se uspješno izliječila od virusa korona.

Kirilenkova, koja živi u Londonu, objavila je na Instagramu da se s virusom borila dvije nedjelje i to vrijeme provela u kućnoj izolaciji.

“Potpuno sam se oporavila i zdrava sam. Da rezimiramo: sedam dana sam se osjećala loše i većinom sam bila u krevetu, spavala, s visokom temperaturom i jakom glavoboljom. Druge nedjelje temperatura se smanjila, ali se pojavio blagi kašalj i bila sam jako umorna. Krajem druge nedjelje sam bila potpuno dobro”, napisala je Kirilenkova.

Kada je objavila da ima virus korona, Ukrajinki, koja se proslavila ulogom u ostvarenju “Zrno utjehe” iz serijala filmova o tajnom agentu Džejms Bondu, podrška je stizala sa svih strana, a želje za brz oporavak uputile su joj i mnoge kolege, poput glumice Mile Jovović, prenio je “Blic”.