Josipa Lisac: To što nisam postala majka, to je moj izbor i nikog se ne tiče

Karijera slavne Josipe Lisac je počela talno prije 50 godina.

Na svom profesionalnom putu nikad nije odustajala. Zato je sve vrijeme karijere, manje ili više, prisutna na muzičkoj sceni, piše cdm.

Sačuvala svoju originalnost. Svojim snovima i maštom stvarala je i svoj lik i djelo.

“Nije to kapric niti utvrđen plan, nego su mi tako okrenute moždane vijuge. Nisam imala strategiju, jednostavno pratila sam potrebu da sve napravim po svome, stvorim unikat svojim identitetom. To je jako teško. Uvijek sam rezonovala, pa nisam ja bez veze tu, na svijetu, iako sam mrvica u odnosu na cio svijet. Svakome je otvoren put, pitanje je koliko smo spremni da budemo svoji i ne odustajemo i kad ima trauma, nelagoda. Život je borba”, priča slavna Lisica.

Nju je vodila suprotna želja – da stalno mijenja nešto i isprobava domete svog umjetničkog bića.

“Bilo je mnogo trenutaka kada sam bila neshvaćena, ponekad i od strane većine. Ali nisam se opterećivala time. Uvijek je uz mene, srećom, bilo ljudi s kojima sam se razumjela i išla naprijed bez odustajanja u ono što vjerujem. Shvatila sam da tako mora biti.

“Ne kajem se ni zbog čega. Sve što je bilo, i lijepo i teško, moralo je tako da bude. Stvar je moje glave i ličnosti kako ću ja to prihvatiti, šta ću naučiti iz toga. Čovjek mora da vjeruje u život, kako drugačije? Ne živim od toga da mi se ljudi dive, niti ću posustati ako kažu da sam grozna. I to što nisam postala majka, to je moj izbor i nikog se ne tiče. Ne mislim da je materinstvo najveća dimenzija, iako joj se često tako pristupa. Meni je najvažnije biti dobar čovjek”.